Milio Rodríguez Cueto

El ciegu la esquina  Aventures
Les razones del calamar
L'últimu volador

Llicenciáu en Filoloxía Hispánica pola Universidá d’Uviéu, ye profesor d’enseñanza secundaria na so ciudá natal. La obra de Milio R. Cueto empezó a conocese a mediaos de los años ochenta al través de publicaciones como Hojas Universitarias, onde publicó los sos primeros relatos: una divertida saga denominada "De los Suárez-Concheso de Llaviana". Per eses dómines dio a estampa delles collaboraciones na revista Lletres asturianes, ente elles la versión asturiana del famosu poema de Gabriel Ferrater "In memoriam".

Ye autor d'ensayu (Vistes Lliteraries, 1992, premiu "Máximo Fuertes Acebedo"), novela (Románticu, 1993), relatos (Aventures, 1997) y un diálogu a la manera renacentista (Diálogu de la llingua o los gochos llinguateros, 1990), amás de traductor (Shakespeare, Stevenson, Oscar Wilde, Álvaro Cunqueiro, etc.) y columnista. 

Nel añu 1999 algamó Milio Rodríguez Cueto dos de los premios nacionales de lliteratura n'asturiano: el d'ensayu (por El velatoriu de Blancañeve) y el de poesía, (esti ex aequo con Martín López-Vega) y el premiu Edebé de narrativa xuvenil con Mimí al volante., ún de los más prestixosos de la especialidá en llingua castellana, del que ya fuera finalista en 1997 con Laura contra el tiempo.

N'actualidá compaxina'l so llabor d'escritor coles xeres d'enseñante y editor (dirixe xunta Concha Prieto la editorial xixonesa ).